Sumqayıt şəhərində baş verən yol-nəqliyyat hadisəsi səbəbilə bu gün saat 00:30 radələrində Sumqayıt Tibb Mərkəzinin Təcili Tibbi Yardım Xəstəxanasına 2 nəfər (kişi cinsli) şəxs hospitalizasiya olunub.

Bu barədə APA-ya Sumqayıt Tibb Mərkəzindən məlumat verilib.

Bildirilib ki, sol baldır sümüyünün sınığı diaqnozu təyin edilən 1984-cü il təvəllüdlü şəxs tibb müəssisəsinin Reanimasiya şöbəsinə yerləşdirilib. Hazırda müalicəsi davam etdirilir, vəziyyəti orta ağırdır.

Alının və üzün sağ yarısının cırılmış yarası diaqnozu təyin edilən 1992-ci təvəllüdlü şəxsə isə Təcili tibbi yardım şöbəsində zəruri tibbi yardımlar göstərilib. Vəziyyəti qənaətbəxş qiymətləndirilən şəxs ambulator müalicə üçün evə buraxılıb.

***

09:16

Sumqayıtda "Mercedes" məişət tullantısı daşıyan avtomobilə çırpılıb.

APA xəbər verir ki, hadisə şəhərin "Çerkassi" küçəsində qeydə alınıb.

Eyni istiqamətdə hərəkətdə olan avtomobillərin toqquşması nəticəsində 2 nəfər ağır xəsarət alıb.

Yaralılar dərhal Sumqayıt şəhər Təcili Yardım Xəstəxanasına çatdırılıb.

Faktla bağlı araşdırma aparılır.

Oxşar xəbərlər

Sumqayıtda və Novxanıdakı partlayışda xəsarət alanların vəziyyəti açıqlanıb

Abşeronda qəza nəticəsində ikisi azyaşlı olmaqla 3 nəfər xəsarət alıb - YENİLƏNİB

Sumqayıtda 16 yaşlı yeniyetməni avtomobil vurub - YENİLƏNİB

Sumqayıtda ağır yol-nəqliyyat hadisəsi nəticəsində bir nəfər xəsarət alıb

Sumqayıtda bıçaqlanma olub - YENİLƏNİB