Bu gün axşam saatlarında Bakı Metropoliteninin “Ulduz” stansiyasında qatar platformaya daxil olan zaman sərnişin relsin yüzərinə düşüb.

Bu barədə "Report"a Bakı Metropoliteni QSC-dən bildirilib.

İlkin məlumata əsasən, sərnişin hadisə nəticəsində ağır xəsarət alıb.

Stansiyada dərhal təhlükəsizlik tədbirləri həyata keçirilib, təmas relsindən yüksək gərginlik çıxarılıb və əraziyə təcili tibbi yardım xidməti çağırılıb.

Hadisə nəticəsində hərəkət cədvəlində müəyyən gecikmələr yaranıb. Araşdırma aparılır, ətraflı məlumat təqdim ediləcək.

Sərnişinlərdən təhlükəsizlik qaydalarına riayət etmələri və platformalarda hərəkət zamanı diqqətli olmaları xahiş olunur.

Bakı Metropoliteninin "Dərnəgül" - "Həzi Aslanov" marşrutu üzrə hərəkət edən qatarı 15 dəqiqədən çoxdur, "Ulduz" - “Koroğlu” stansiyaları arasındakı tuneldə qalıb.

Bu barədə “Report”a sərnişinlər məlumat verib.

Onların sözlərinə görə, qatarın hərəkətinin dayanmasına səbəb sərnişinlərdən birinin relslərin üstünə yıxılmasıdır.

Oxşar xəbərlər

Bakı metrosunda sərnişin relslərin üstünə yıxılıb, qatarların hərəkəti dayanıb

Bakı metrosunda qatar yoluna düşən şəxsin vəziyyəti açıqlanıb - YENİLƏNİB-3

"Ulduz" metrostansiyasında qatar yoluna düşən şəxsin vəziyyəti açıqlanıb - YENİLƏNİB

Bakı metrosunda xətlər üzrə intervallar bərpa olunub - YENİLƏNİB-2