Daxili İşlər Nazirliyi Lənkərandakı insidentlə bağlı açıqlama yayıb.

DİN-in Mətbuat Xidmətinin Lənkəran regional qrupundan “Report”un Cənub bürosunun sorğusuna cavab olaraq bildirilib ki, şəxsi münasibətlər zəminində baş vermiş həmin insidentlə bağlı Lənkəran Şəhər Rayon Polis Şöbəsində araşdırma aparılır.

Xəsarətlərin dərəcəsini müəyyən etmək məqsədilə müvafiq ekspertizalar təyin olunub.

Araşdırmanın nəticəsində məsələyə hüquqi qiymət veriləcək.

Lənkəranda kütləvi dava olub, bir nəfər bıçaqlanıb.

“Report”un Cənub bürosunun məlumatına görə, dava axşam rayonun Ürgə kəndi ərazisində qeydə alınıb.

Belə ki, dava zamanı rayonun Nərimanabad qəsəbə sakini, 2004-cü il təvəllüdlü Zakir Vüqar oğlu Səfərzadə bıçaqlanıb.

Digər iştirakçılar - Nərimanabad qəsəbə sakini, 2004-cü il təvəllüdlü Rüstəm Nasib oğlu Əhmədov, 2011-ci il Yusif Nasib oğlu Əhmədzadə, Cəlilabad rayon sakini, 2003-cü il təvəllüdlü Nurlan Seymur oğlu Əlizadə, Lənkəran rayonu, Boladi kənd sakini, 2004-cü il təvəllüdlü Əli Elçin oğlu İsmayılov müxtəlif dərəcəli bədən xəsarətləri ilə Lənkəran Rayon Mərkəzi Xəstəxanasınına daxil olublar.

Bıçaqlanan Z.Səfərzadə əməliyyat blokuna alınıb.

Hazırda hadisənin təfərrüatları dəqiqləşdirilir.

Faktla bağlı araşdırma aparılır.

Oxşar xəbərlər

Lənkəranda kütləvi dava olub, 4 nəfər xəsarət alıb, biri bıçaqlanıb

Lənkəranda kütləvi dava olub, bıçaqlanan var

Lənkəranda qonşular arasında dava düşüb, 5 nəfər xəsarət alıb

Tovuzda kütləvi dava olub, iki nəfər bıçaqlanıb

Lənkəranda 43 yaşlı kişi bıçaqlanıb