Kürdəmirdə ağır qəza baş verib, ölən və yaralanan var

Kürdəmirdə ağır yol qəzası baş verib, ölən və xəsarət alan var.

APA-nın yerli bürosunun xəbərinə görə, hadisə Ağsu-Kürdəmir-İmişli yolunun rayonun Sor-Sor kəndindən keçən hissəsində qeydə alınıb.

Belə ki, 21 yaşlı Nicat Mustafa oğlu Mustafayev Kürdəmir istiqamətində "Mercedes" markalı maşınla hərəkətdə olarkən qəfildən idarəetməni itirib.

Nəticədə avtomobil yoldan çıxaraq aşıb. Hadisə zamanı avtomobildə olan sərnişin Kürdəmir rayon sakini, 22 yaşlı Orxan Vüsal oğlu Pənahov hadisə yerində dünyasını dəyişib.

Sürücü ağır bədən xəsarətləri alaraq Kürdəmir Rayon Mərkəzi Xəstəxanasına aparılıb.

Həkimlər sürücünün vəziyyətinin ağır olduğunu bildirirlər. Faktla bağlı araşdırma aparılır.