Daxili İşlər Nazirliyi (DİN) Baş Narkotiklərlə Mübarizə İdarəsinin Bakıda və Salyanda keçirdiyi əməliyyatlar zamanı 41 kiloqram narkotik vasitə dövriyyədən çıxarılıb.

Bu barədə "Report"a DİN-in Mətbuat xidmətindən məlumat verilib.

Bildirilib ki, keçirilən əməliyyatlar zamanı əvvəllər də narkotiklərlə bağlı cinayətlərə görə məhkum olunmuş 1998-ci il təvəllüdlü Elgün Məmmədov və 2002-ci il təvəllüdlü Rəşad Süleymanov saxlanılıblar. Onlardan 41 kiloqram tərkibi psixotrop maddələrlə zənginləşdirilmiş marixuana, heroin və metamfetamin aşkarlanıb.

"E.Məmmədov və R.Süleymanov şəxsiyyəti istintaqla araşdırılan İran vətəndaşları vasitəsilə əvvəlcədən müəyyənləşdirilmiş yerlərdən narkotik vasitələri götürərək maddi qazanc müqabilində ayrı-ayrı ünvanlara çatdırılmasını planlaşdırıblar. Faktlarla bağlı cinayət işləri başlanılıb, saxlanılan şəxslər barəsində məhkəmənin qərarı ilə həbs qətimkan tədbiri seçilib", - məlumatda qeyd olunub.

Oxşar xəbərlər

DİN əməliyyat keçirib, 70 kiloqram narkotik vasitə dövriyyədən çıxarılıb

Baş İdarə əməliyyat keçirib, İrandan Azərbaycana gətirilən 61 kiloqram narkotik vasitə dövriyyədən çıxarılıb

Lənkəranda 18 kiloqram narkotik vasitə dövriyyədən çıxarılıb

DİN əməliyyat keçirib, 61 kq narkotik dövriyyədən çıxarılıb - VİDEO

Bakıda İrandan gətirilən 23 kq narkotik ələ keçirilib