Goranboyda bir ailə avtomobil qəzasına düşüb, ölənlər və xəsarət alanlar var

Goranboyda bir ailə avtomobil qəzasına düşüb.

"Sizinxeber.az"un Qərb bürosunun məlumatına görə, Abşeron rayon sakini, 1992-ci il təvəllüdlü Ayşən Fərrux qızının idarə etdiyi "Hyundai" markalı avtomobil Goranboy rayon ərazisində idarəetmədən çıxaraq aşıb.

Qəza nəticəsində sürücünün anası və qızı aldığı xəsarətdən hadisə yerində ölüblər.

Sürücü və iki övladı - 2016-cı il təvəllüdlü Məmmədli Əsmər Samir qızı və 2021-ci il təvəllüdlü Məmmədli Əlixan Samir oğlu müxtəlif dərəcəli bədən xəsarətləri alıblar.

Zərərçəkənlər xəstəxanaya çatdırılıb, vəziyyətləri kafi və orta-ağır qiymətləndirilir.

Faktla bağlı araşdırma aparılır.