Lənkəran sakinləri yüksək vətəndaşlıq mövqeyi nümayiş etdirərək, Azərbaycan Respublikasının Milli Məclisinə növbədənkənar seçkilərdə fəallıq göstərirlər.

AZƏRTAC-ın bölgə müxbiri xəbər verir ki, şəhər sakinləri səhər saat 08:00-dan etibarən mütəşəkkil şəkildə məntəqələrə gəlir, istədikləri namizədə səs verirlər.

77 saylı Lənkəran şəhər seçki dairəsinin dairə seçki komissiyasının sədri İqbal Rəcəbov bildirib ki, 41 məntəqə üzrə 47 min 815 seçici qeydə alınıb. Məntəqələrdə səsvermənin Seçki Məcəlləsinə uyğun, azad və demokratik keçirilməsi üçün lazımi şərait yaradılıb, 10 məntəqədə “exit-poll” təşkil olunub.

Səsvermə prosesi yerli və beynəlxalq müşahidəçilərin nəzarəti ilə seçki qanunlarına uyğun, heç bir pozuntuya yol verilmədən davam edir. Hazırda səsvermənin gedişini 754 nəfər yerli müşahidəçi izləyir.

Oxşar xəbərlər

81 saylı İmişli seçki dairəsi üzrə səsverməni 872 müşahidəçi izləyir  

Abşeron rayonunda parlament seçkilərində 4 mandat uğrunda 13 namizəd mübarizə aparır

Balakəndə 102 yaşlı seçici səs verib

Laçın sakinləri doğma yurdlarında səs verirlər - FOTO