Sabah saat 08:00-dan dekabrın 19-u saat 22:00-a qədər Bakının Xətai rayonunun 8 Noyabr prospektinin 9-cu km-də (“Gənclik” parkının qarşısında, Heydər Əliyev Beynəlxalq Aeroportu istiqamətində) aparılacaq əsaslı təmir işləri ilə əlaqədar işlərin aparıldığı zolaqlar üzrə avtomobillərin hərəkəti tam məhdudlaşdırılacaq.

Bu barədə Azərbaycan Avtomobil Yolları Dövlət Agentliyi məlumat yayıb.

Məlumata görə, əks istiqamət üzrə təmir işləri müddətində avtonəqliyyat vasitələrinin ikitərəfli hərəkəti təşkil olunacaq.

Sürücülərdən qeyd olunan müddət ərzində sözügedən hissədə hərəkətdə olarkən diqqətli olmaları, yol hərəkəti qaydalarına riayət etmələri və ərazidə quraşdırılmış müvəqqəti yol nişanlarının tələblərinə uyğun avtonəqliyyat vasitələrini idarə etmələri xahiş olunur.

Oxşar xəbərlər

BDYPİ-dən sürücülərə XƏBƏRDARLIQ

Bu yolda sürət həddi azaldıldı

Xudafərin-Qubadlı-Laçın avtomobil yolunun tikintisi sürətləndirildi

Dövlət Xidməti: “Ermənistan işğal zamanı Gəncəsər monastrında qanunsuz təmir-bərpa işləri aparıb”

Bakının 8 Noyabr prospektinin bir hissəsində təmir işləri yekunlaşıb