Son iki ayda Bakı şəhərinin Yasamal, Səbail, Nəsimi, Nərimanov, Suraxanı, Sabunçu, Xətai, Qaradağ, Nizami və Xəzər rayonları üzrə 125 min 357 uşaq ilkin müayinələrə cəlb olunub.

"Report" xəbər verir ki, bu barədə TƏBİB məlumat yayıb.

Qeyd olunub ki, müayinələr Bakı Baş Səhiyyə Mərkəzinin strukturuna daxil olan tibb müəssisələrinin tibb heyəti tərəfindən Bakı şəhərinin 31 orta ümumtəhsil, məktəbəqədər təhsil müəssisələri və xüsusi internat məktəblərində həyata keçirilib.

Müayinələrdə həkim-pediatr, həkim-nevroloq, həkim-oftalmoloq, həkim-otorinolarinqoloq, həkim-cərrah, həkim-stomatoloq, həkim-laborant və s. ixtisaslı mütəxəssislər iştirak edib.

Xəstəlik aşkarlanan uşaqlarla bağlı məlumatlar həm məktəb rəhbərliyinə, həm də valideynlərə təqdim edilib. Həmin şagirdlərin qısa zamanda ilkin səhiyyə xidməti göstərən tibb müəssisələrinə müraciət edərək geniştərkibli müayinələrdən keçməsi və aşkarlanan xəstəliklərin müalicəsinə başlaması tövsiyə olunub.

Oxşar xəbərlər

Sertifikasiyaya cəlb edilməyəcək tibb işçilərinin siyahısı açıqlanıb

Bakıda qızılcaya görə məktəblər bağlanır? - Rəsmi

Ötən il Bakıda 738 minə yaxın uşaq icbari dispanserizasiyaya cəlb edilib

Həkim qızılca ilə bağlı valideynlərə çağırış edib

Xəstəxanalarda randevu sistemi niyə işə salınmayıb? - AÇIQLAMA + VİDEO