Naxçıvan Muxtar Respublikası Qida Təhlükəsizliyi Agentliyinin əməkdaşları tərəfindən Babək rayonu Sirab kəndində yerləşən “İlham” MMC-nin süd məhsulları emalı sexində aparılan plandankənar yoxlama zamanı bir sıra nöqsanlar aşkarlanıb.

"Sizinxeber.az"un yerli bürosu xəbər verir ki, yoxlama zamanı müəssisənin qida təhlükəsizliyi sahəsində mövcud texniki normativ hüquqi aktların tələblərinə cavab vermədiyi müəyyən edilib.

Belə ki, gigiyena qaydalarına əməl olunmadığı, çalışan işçilərin dövri tibbi yoxlamadan keçmədiyi, çirklənməyə qarşı müdafiə tətbirlərinin tətbiq edilmədiyi, həmçinin obyektdə dezinfeksiya, dezinseksiya və deratizasiya işlərinin də aparılmadığı, bəzi avadlanlıqlarda paslanma yarandığı aşkarlanıb.

Eyni zamanda, müəssisənin istehsalı olan “Teymuroğulları” əmtəə nişanlı şor məhsullarının etiket məlumatlarında saxlama müddəti 10 gün olsa da, istehsalçı tərəfindən əlavə olaraq yararlılıq müddəti 30 gün göstərilib ki, bu da istehlakçı hüquqlarının pozulmasıdır. Aşkarlanan nöqsanlarla bağlı müvafiq tədbirlər görülüb, müəssisənin fəaliyyəti dayandırılıb. Əhalinin sağlamlığının qorunması və təhlükəsiz qida məhsulları ilə təmin olunması istiqamətində ardıcıl tədbirlər bundan sonra da davam etdiriləcək.

Oxşar xəbərlər

“Su Səsi” restoranında nöqsanlar aşkarlanıb

Bakıda hosteldə nöqsanlar aşkarlanıb

Zaqatalada nöqsanlar aşkarlanan şadlıq evinin fəaliyyəti məhdudlaşdırılıb

Bakıda hosteldə biabırçı görüntülər - FOTO

Sumqayıtda un məmulatları müəssisəsində istehlaka yararsız məhsullar aşkarlanıb