“Naxçıvan Muxtar Respublikasının 2024-cü il üçün epizootiya əleyhinə Tədbirlər Planı”na uyğun olaraq, 26-31 avqust tarixlərində muxtar respublika ərazisində epizootoloji monitorinqlər keçirilib.

"Sizinxeber.az"un yerli bürosu xəbər verir ki, monitorinq zamanı peyvənd olunduqdan sonra immun fonun təyin olunması və xüsusi təhlükəli xəstəliklərə görə epizootoloji şəraitin öyrənilməsi ilə bağlı iri və xırdabuynuzlu heyvanlardan dioqnastik nümunələr götürülüb.

Muxtar respublika ərazisi üzrə Naxçıvan şəhəri və 7 rayon olmaqla təsadüfi seçmə üsulu ilə müəyyənləşdirilmiş ümumilikdə 41 müxtəlif yaşayış məntəqəsindən (kənd, qəsəbə) 194 ailə və ya fərdi təsərrüfatlarda saxlanılan iri və xırdabuynuzlu heyvanlardan xüsusi təhlükəli xəstəliklərə qarşı laborator müayinələrin aparılması üçün 534 iribuynuzlu və 529 xırdabuynuzlu heyvandan qan nümunələri götürülüb, habelə təsərrüfatlar üzrə ümumi baxış keçirilib, baytarlıq norma və qaydalarına əməl olunması üçün məqsədyönlü maarifləndirmə-təbliğat tədbirləri aparılıb.

Monitorinqlər çərçivəsində epizootoloji məlumatlar və götürülmüş nümunələr barədə məlumatlar respublika üzrə ümumi “Epicollect 5” proqramına daxil ediləcək.

Tədbirdə Azərbaycan Respublikası Qida Təhlükəsizliyi Agentliyinin, Naxçıvan MR Qida Təhlükəsizliyi Agentliyinin və Naxçıvan MR Kənd Təsərrüfatı Nazirliyi yanında Aqrar Xidmətlər Mərkəzinin mütəxəssisləri iştirak edib.

Götürülmüş qan nümunələri müayinə olunması üçün Azərbaycan Qida Təhlükəsizliyi İnstitutunun Mərkəzi Baytarlıq Laboratoriyasına göndərilib.

Oxşar xəbərlər

Naxçıvanda quş qripi xəstəliyinə qarşı epizootoloji monitorinqlər keçiriləcək

Azərbaycanda quş qripi ilə bağlı monitorinqlərin nəticələri açıqlanıb

Azərbaycanda epizootoloji sabitliyin qorunması ilə bağlı işlərə başlanılıb

Naxçıvanda bilyard üzrə muxtar respublika birinciliyi keçiriləcək

Naxçıvanda parlament seçkiləri 331 məntəqədə keçiriləcək