Polşanın Aİ-yə sədrliyinin başa çatması münasibətilə konsert keçirilib - FOTO

Polşanın Avropa İttifaqına 6 aylıq sədrliyinin başa çatması münasibətilə "Voicingers Renuion" adlı caz konserti keçirilib.

APA-nın məlumatına görə, konsert Polşanın Azərbaycandakı səfirliyinin təşkilatçılığı ilə təşkil edilib.

Tədbiri giriş sözü ilə səfir Pavel Radomski açıb.

O iştirakçılara sədrlik dövründə görülən işlərdən bəhs edib:

"Sədrliyimiz dövründə ölkəmiz daim Avropa İttifaqının prioritetlərinə sadiqliyini nümayiş etdirib. Bu prioritetlərə həm də Avropa İttifaqının daxilində təhlükəsizliyinin təminatı kimi vacib məsələ də daxildir. Artıq sədrliyimizi təhvil verməmizə rəğmən biz ittifaq daxilindəki xalqları dəstəkləməyə davam etməyi düşünürük".

Səfir Avrozona ölkələrinin mədəni əlaqələrindən də söz açaraq, mədəni diplomatiyanın vacib rolunu qeyd edib:

"Bugünkü caz konsertin təşkil olunması heç də təsadüfi deyil. Biz sədrlik dövrümüzün başa çatmasını təntənə ilə qeyd edirik. Bu tədbirdə həm Azərbaycanın, həm də dünyanın tanınmış caz ustalarının möhtəşəm əsərləri səslənəcək. Əminəm ki, hər bir qonaq tədbirdən zövq alacaq".

Tədbir bədii hissə ilə davam edib.