Azərbaycan Xarici İşlər Nazirliyi Vaşinqtonda baş vermiş hücum nəticəsində həlak olan iki İsrail diplomatının ailələrinə və İsrail dövlətinə başsağlığı verib.

"Report" xəbər verir ki, bu barədə nazirliyin "X" hesabında paylaşım edilib.

"Biz qorxu və bölücülük yaratmağa çalışan bu qorxaq zorakılıq aktını qətiyyətlə pisləyirik",-məlumatda qeyd olunub.

Xatırladaq ki, İsrail səfirliyinin iki əməkdaşı Vaşinqtondakı Yəhudi Muzeyi qarşısında öldürülüb. 

Şəhər polis rəisi Pamela Smitin sözlərinə görə, həlak olan diplomatlar kişi və qadın olub. Onlar muzeydə keçirilən tədbirdən çıxarkən 30 yaşlı şübhəli şəxs atəş açıb. P.Smit bildirib ki, həbs zamanı saxlanılan şəxs "Azad Fələstin!" şüarı səsləndirib.

 ABŞ-nin Baş prokuroru Pem Bondi artıq cinayət yerinə baş çəkib.

ABŞ Prezidenti Donald Tramp “Truth Social”da Vaşinqtondakı atışmanı "antisemitizmə əsaslanan" akt adlandırıb.

We extend our deepest condolences to the State of Israel and the families of two Israeli diplomats who were killed as a result of heinous attack in Washington D.C..

We strongly condemn this cowardly act of violence, which seeks to sow fear and division. @IsraelMFA

— MFA Azerbaijan (@AzerbaijanMFA) May 22, 2025

Oxşar xəbərlər

Vaşinqtonda atəş açmaqda şübhəli bilinən şəxs saxlanılıb - YENİLƏNİB

Tramp İsrail səfirliyinin əməkdaşlarının güllələnməsini "antisemitizmə əsaslanan hücum" adlandırıb

Tramp Vaşinqtondakı atışmanı antisemitizm aktı adlandırıb

Netanyahu: İsrail diplomatik missiyalarının təhlükəsizliyini gücləndirəcək

ABŞ-də İsrail səfirliyinin iki əməkdaşı öldürülüb