Ukrayna Xarici İşlər Nazirliyinin Konsulluq Xidməti Departamentinin direktoru Vladislav Kanevski Azərbaycanın Ukraynadakı səfiri Seymur Mərdəliyevlə görüşüb.

APA xəbər verir ki, bu barədə məlumat departamentin sosial şəbəkə hesabında yerləşdirilib.

Qeyd olunub ki, görüşdə konsulluq sahəsində ikitərəfli əməkdaşlığın perspektiv istiqamətləri və gələcəkdə aparılması nəzərdə tutulan Ukrayna-Azərbaycan konsulluq məsləhətləşmələrinin gündəliyi məsələsini müzakirə ediblər.

Görüş zamanı Vladislav Kanevski Ukraynanın suverenliyi və ərazi bütövlüyünün dəstəklənməsi prosesində Azərbaycanın dəyişməz mövqeyinə, ölkəyə göstərilən genişmiqyaslı humanitar yardımlara, həmçinin müharibədən zərər çəkmiş Kiyev vilayətində infrastruktur obyektlərinin yenidən qurulması üzrə birgə layihələrin uğurla həyata keçirilməsinə görə səfirə təşəkkürünü bildirib.

Oxşar xəbərlər

Budapeştdə ilk Azərbaycan-Macarıstan konsulluq məsləhətləşmələri keçirilib

Azərbaycanla Slovakiya arasında konsulluq məsləhətləşmələri aparılıb

Azərbaycanla Slovakiya arasında ilk konsulluq məsləhətləşmələri aparılıb

Samir Şərifov İranın Xarici İşlər Nazirliyinin Konsulluq İdarəsinin rəisi Əlirza Mahmudi ilə görüşüb - FOTO

Azərbaycanla Venesuela arasında konsulluq məsləhətləşmələri aparılıb