Azərbaycan Gürcüstan və Ermənistanla Tbilisi görüşünü müsbət qiymətləndirir

Bu gün Tbilisidə Azərbaycan, Ermənistan və Gürcüstan XİN rəhbərləri müavinlərinin görüşü keçirilir.

Sizinxeber.az xəbər verir ki, bunu Sloveniya Respublikasının xarici işlər naziri Tanya Fayonla birgə mətbuat konfransında xarici işlər naziri Ceyhun Bayramov deyib.

Nazir bildirib ki, buna yeni reallıqlar imkan yaradır: “Hər üç ölkəyə aid olan mövzular bu görüşdə müzakirə edilir, bu, ikitərəfli mövzular müzakirəsi deyil. Bizim aramızda açıq məsələlərə toxunmayaraq, ümumi maraqlarımızda olan məsələlər müzakirə edilir. Transsərhəd çayları və bir sıra digər məsələlər bu gün müzakirə mövzusu olacaq. Ümumilikdə belə paltformanın təşkil edilməsini biz müsbət inkişaf kimi qəbul edirik”.