Seneqal və Azərbaycan arasında dövlət idarəçiliyinin modernləşdirilməsi sahəsində əməkdaşlıq genişlənir.

Bunu “Sizinxeber.az”un ABŞ bürosuna açıqlamasında Seneqalın Dövlət Qulluğu üzrə Baş Direktoru İbrahima Dieng deyib.

İ.Dieng bildirib ki, hazırda Seneqalın Dövlət Qulluğu Nazirliyi ilə Vətəndaşlara Xidmət və Sosial İnnovasiyalar üzrə Dövlət Agentliyi — "ASAN xidmət" arasında Anlaşma Memorandumunun imzalanması istiqamətində işlər aparılır:

“Biz artıq bu memorandumun yekun mərhələsindəyik və çox qısa müddətdə hər iki ölkə arasında müxtəlif fəaliyyətlərin mübadiləsi mümkün olacaq. Bu da öz növbəsində ölkələrin dövlət idarəçiliyinin əhəmiyyətli dərəcədə modernləşməsinə töhfə verəcək,” – seneqallı rəsmi qeyd edib.

İ.Dieng onu da vurğulayıb ki, bu təşəbbüs Azərbaycan tərəfindən irəli sürülüb və bu istiqamətdə atılan addımlar xüsusilə təqdirəlayiqdir:

“Seneqal və Azərbaycan idarəetmənin modernləşdirilməsi sahəsində əməkdaşlıq istiqamətində artıq mühüm addımlar atırlar. Biz Azərbaycanın bu sahədə zəngin təcrübəsindən yararlanmağa çalışacağıq”.

Oxşar xəbərlər

Azərbaycanla BMT arasında imzalanmış Töhfə Sazişi təsdiqlənib

Seneqalın Hərbi Dəniz Qüvvələri 76 miqrantın olduğu gəmini saxlayıb

Seneqal sahillərində göyərtəsində 200 miqrantın olduğu qayıq batıb

1 saylı Sumqayıt “ASAN xidmət” fəaliyyətini qismən məhdudlaşdırır

Lənkəran “ASAN xidmət” mərkəzində son bir ildə 300 minə yaxın müraciətə baxılıb