Azərbaycanın ərazi bütövlüyü və suverenliyinin bərpa edilməsi daha geniş coğrafiyada iqtisadi əməkdaşlıq üçün yeni imkanlar yaradır.

Sizinxeber.az-nın Türkiyə müxbirinin verdiyi xəbərə görə, bu barədə Azərbaycanın xarici işlər naziri Ceyhun Bayramov Ankarada Türkiyə, Azərbaycan və Özbəkistan arasında keçirilən II üçtərəfli görüşün nəticələrinə dair mətbuat konfransında çbildirib.

O qeyd edib ki, məhz bu bölgə vasitəsilə Şərq-Qərb Orta Dəhlizinin yeni arteriyasının salınması həyata keçirilir və bunun böyük perspektivi görünür.

Nazir həmçinin, Ermənistanla sülh sazişinin tamamlanmasının önəmini vurğulayıb. O əlavə edib ki, Ermənistan Konstitusiyası və digər normativ hüquqi aktlarında Azərbaycana qarşı qalan ərazi iddiaları və revanşizm meyilləri narahatlıq doğurur: “Bu istiqamətdə Azərbaycan Respublikası öz konstruktiv səylərini davam etdirəcək”.

Ceyhun Bayramov üç ölkə arasında nəqliyyat sahəsində qəbul edilən Yol Xəritəsi əsasında bir sıra layihələrin həyata keçiriləcəyini də qeyd edib.

Oxşar xəbərlər

TDT-nin növbəti Zirvə Görüşü Azərbaycanda keçiriləcək

Nazir: Sülh sazisinin başa çatdırılması üçün əsas əngəl Ermənistan konstitusiyasında Azərbaycan və Türkiyəyə qarşı ərazi iddialarıdır

XİN rəhbəri: Azərbaycan İsrail-Fələstin münaqişəsində iki dövlətli həll yolunun tərəfdarıdır

Azərbaycan, Türkiyə və Özbəkistan enerji sahəsində birgə layihələri müzakirə edib

Ankarada Türkiyə-Azərbaycan-Özbəkistan İnvestisiya Forumu keçirilib