Avropa İttifaqı Şurasının Prezidenti Antonio Koşta yanvarın 9-da Azərbaycan Respublikasının Prezidenti İlham Əliyevə zəng edib.

"Sizinxeber.az" xəbər verir ki, bu barədə Azərbaycan Prezidentinin Mətbuat Xidməti məlumat yayıb.

Antonio Koşta təyyarə qəzası ilə bağlı dövlətimizin başçısına və Azərbaycan xalqına başsağlığını çatdırıb, Avropa İttifaqının bu qəzanın hərtərəfli araşdırılması ilə bağlı ölkəmizin mövqeyini dəstəklədiyini bildirib.

Prezident İlham Əliyev başsağlığına görə təşəkkürünü ifadə edib.

Telefon söhbəti zamanı Azərbaycan ilə Avropa İttifaqı arasında nəqliyyat, xüsusilə Transxəzər-Orta Dəhliz marşrutu üzrə daşımalar, Xəzər və Qara dəniz hövzələrini birləşdirən yaşıl enerji dəhlizinin yaradılması layihəsi, Azərbaycanın Avropa İttifaqına üzv ölkələrə qaz ixracı və enerji sahəsində əməkdaşlıq məsələləri ətrafında fikir mübadiləsi aparılıb. Həmçinin təmasların davam etdirilməsi razılaşdırılıb.

Oxşar xəbərlər

Koşta: Aİ təyyarə qəzasının hərtərəfli araşdırılması ilə bağlı Azərbaycanın mövqeyini dəstəkləyir [xfgiven_updateblue][/xfgiven_updateblue]

İlham Əliyevin ünvanına təbriklər gəlməkdə davam edir [xfgiven_updateblue][/xfgiven_updateblue]

Ursula Fon der Lyayen Prezident İlham Əliyevə zəng edib [xfgiven_updateblue][/xfgiven_updateblue]

Şarl Mişel noyabrın 29-da tutduğu postu Antonio Kostaya təhvil verəcək [xfgiven_updateblue][/xfgiven_updateblue]

Litva Prezidenti Azərbaycan liderinə zəng edib, başsağlığı verib [xfgiven_updateblue][/xfgiven_updateblue]