Fransanın paytaxtı Parisdəki səfirlər, habelə UNESCO-dakı daimi nümayəndələr və diplomatlar AZAL-a məxsus təyyarənin qəzaya uğraması ilə əlaqədar Azərbaycanın mədəniyyət təşkilatındakı daimi nümayəndəliyini ziyarət edərək başsağlığı kitabına ürək sözlərini yazıblar.

“Sizinxeber.az” xəbər verir ki, bu barədə Azərbaycanın UNESCO-dakı daimi nümayəndəliyinin mətbuat xidməti bildirib.

“Səfirlər, daimi nümayəndələr və diplomatlar 25 dekabr 2024-cü ildə Qazaxıstanın Aktau şəhəri yaxınlığında faciəvi şəkildə qəzaya uğrayan, insan tələfatı və xəsarətlərlə nəticələnən “Azərbaycan Hava Yolları”nın J2-8243 nömrəli reysinin qurbanlarının xatirəsini yad etmək üçün Azərbaycanın Daimi Nümayəndəliyinə gələrək başsağlığı kitabına ürək sözlərini yazıblar”, – diplomatik missiyanın sosial şəbəkə hesabında qeyd olunub.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 38-i həlak olub, 29-u sağ qalıb.

Oxşar xəbərlər

BMT Baş katibinin müavini Azərbaycana başsağlığı verib: Hadisə məni dərindən kədərləndirib

Ceyhun Bayramov AZAL-a məxsus təyyarənin Aktau yaxınlığında qəzaya uğraması ilə əlaqədar başsağlığı verib

Moldova Prezidenti AZAL-a məxsus təyyarənin qəzaya uğraması ilə əlaqədar başsağlığı verib

İran Silahlı Qüvvələrinin nümayəndələri Azərbaycan səfirliyini ziyarət edərək başsağlığı veriblər

Fransa səfirliyi Azərbaycana başsağlığı verib