Serbiyaya işgüzar səfəri zamanı Azərbaycan Respublikasının Xarici İşlər Naziri Ceyhun Bayramov Belqradda keçirilən Səfirlər Konfransında çıxış edib.

APA xəbər verir ki, bu barədə Azərbaycan XİN-in mətbuat xidməti məlumat yayıb.

Məlumata görə, nazir çıxışında Azərbaycan-Serbiya strateji tərəfdaşlığının siyasi, iqtisadi, enerji və humanitar aspektlərinə, həmçinin ümumi regional problemlərə, o cümlədən ikili standartlara, beynəlxalq hüququn seçmə tətbiqinə toxunub.

Qeyd edilib ki, hər iki ölkənin xarici siyasətini istiqamətləndirən suverenlik və ərazi bütövlüyü prinsiplərinin qorunmasının vacibliyi vurğulanıb.

Ceyhun Bayramov Azərbaycanın Avropanın enerji şaxələndirilməsində mühüm rolu, o cümlədən Avropa ilə Mərkəzi Asiyanı Xəzər və Qara dəniz hövzələri vasitəsilə birləşdirəcək gələcək yaşıl enerji planlarından da ətraflı danışıb.

Oxşar xəbərlər

Xarici işlər naziri Ceyhun Bayramov Serbiyaya səfər edib

Ceyhun Bayramov İtaliyanın xarici işlər və beynəlxalq əməkdaşlıq naziri Antonio Tayani ilə görüşüb

Ceyhun Bayramov Serbiyaya gedib

Ceyhun Bayramov bolqarıstanlı həmkarı ilə strateji tərəfdaşlıq münasibətlərini müzakirə edib

Ceyhun Bayramov TDT Xarici İşlər Nazirləri Şurasının iclasında çıxış edib - FOTO