Gələn həftə Gürcüstan parlamentinin üzvləri Azərbaycana səfər edəcək.

Bu barədə “Sizinxeber.az”un Gürcüstan bürosuna parlamentin Özünüidarəetmə Komitəsinin sədri İrakli Kadagişvili məlumat verib.

O qeyd edib ki, iki ölkə arasındakı münasibətlər son illərdə strateji əməkdaşlıq səviyyəsinə çatıb və davamlı olaraq möhkəmlənir:

"Hər iki ölkə beynəlxalq səviyyədə qarşılıqlı olaraq bir-birini müdafiə edir. Ölkələr arasındakı dostluq və əməkdaşlıq münasibətləri həm regional, həm də beynəlxalq səviyyədə güclənir".

Komitə sədri bildirib ki, Gürcüstan və Azərbaycan arasında münasibətlər yüksək səviyyədə olduğundan müxtəlif istiqamətlərdə əməkdaşlıqlar həssaslıqla qorunur.

"Mən və həmkarlarım Azərbaycana səfərə hazırlaşırıq. Səfər çərçivəsində Azərbaycan Milli Məclisinin spikeri Sahibə Qafarova və digər rəsmi şəxslərlə görüşlər keçirəcəyik. Məqsəd iki ölkə arasındakı münasibətləri dostluq, qonşuluq və strateji tərəfdaşlıq prinsipləri əsasında hərtərəfli şəkildə daha da inkişaf etdirməkdir”, - İ.Kadagishvili əlavə edib.

Oxşar xəbərlər

Komitə sədri: Rusiya ilə Azərbaycan arasındakı münasibətlər digər ölkələr üçün nümunədir

Qafarova Gürcüstan parlamentinin sədri ilə görüşdü

Spiker: Azərbaycan-Türkiyə münasibətləri özünün ən yüksək səviyyəsinə çatıb

Gürcüstan parlamentinin deputatı: Azərbaycanla münasibətlər digər ölkələr üçün nümunədir

İlya Darçiaşvili: Gürcüstan Azərbaycanla tərəfdaşlığı yüksək qiymətləndirir