Azərbaycanın Xarici İşlər Nazirliyi (XİN) Türkiyə Respublikasını Cümhuriyyət Günü münasibətilə təbrik edib.

APA xəbər verir ki, təbrikdə deyilir:

"29 oktyabr - müttəfiq Türkiyə Respublikasının Cümhuriyyət Günündə qardaş ölkəmizin əsasının qoyulmasının 101-ci ildönümünü qeyd edirik.

Bu möhtərəm gündə, Türkiyə Respublikasının banisi dahi Mustafa Kamal Atatürkün, Türkiyə Respublikasının yaradılması naminə aparılan mübarizədə canlarını fəda edən şəhidlərimizin, sağlamlıqlarından keçən qazilərimizin əziz xatirəsini yad edirik.

Bölgədə və dünyada ədalət və inkişaf beşiyi olan Türkiyə Respublikası, habelə regionda və beynəlxalq müstəvidə təkrarı olmayan Azərbaycan-Türkiyə qardaşlığı əbədi olaraq yaşayacaq".

Qeyd edək ki, xarici işlər naziri Ceyhun Bayramov da "X" sosial şəbəkəsində bununla bağlı paylaşım edib.

Paylaşımda bildirilir:

"Bu gün, qardaş və müttəfiq Türkiyə Respublikasının yaradılmasından 101 il ötür.

Bu əziz gündə, qardaş ölkəmizin qurucularının, şəhidlərimizin və qazilərimizin əziz xatirəsini dərin ehtiramla yad edir, Türkiyə Respublikasının daha da güclənməsini və inkişaf etməsini arzulayırıq.

Bayramınız mübarək!".

Oxşar xəbərlər

Şamil Ayrım Azərbaycan Prezidentini təbrik edib [xfgiven_updateblue][/xfgiven_updateblue]

Ceyhun Bayramov: Prezident Ərdoğanla görüşdə Azərbaycan-Türkiyə müttəfiqliyinin əhəmiyyəti bir daha vurğulanıb - FOTO [xfgiven_updateblue][/xfgiven_updateblue]

İstanbulda Dünya Azərbaycanlılarının Həmrəylik Günü münasibətilə tədbir keçirilib - FOTO [xfgiven_updateblue][/xfgiven_updateblue]

Azərbaycan və Türkiyə müdafiə nazirləri görüşüb [xfgiven_updateblue][/xfgiven_updateblue]

Türkiyədə TDT xarici işlər nazirləri müavinlərinin görüşü keçirilib [xfgiven_updateblue][/xfgiven_updateblue]