Gürcü xalqının yarıdan çoxu parlament seçkilərində sülh və sabitliyə, Gürcüstan-Azərbaycan dostluğuna səs verdi. Bu seçkilər Gürcüstan-Azərbaycan münasibətlərində yeni mərhələnin başlanğıcıdır.

Bunu "Report"a SOYDAŞ İctimai Birliyinin sədri Kamran Ramazanlı bildirib.

"Gürcüstandakı parlament seçkiləri bölgədə sülh və sabitliyin qorunub saxlanılması baxımından vacib bir hadisə idi. Azərbaycanda da bu seçkilər nəticələrinin necə olacağı baxımından maraqla izlənilirdi. Nəticə çox yaxşıdır. Hakim partiya Cənubi Qafqazda sülh və sabitliyin təmin olunmasında əsas faktor rolunu oynayır, Qərbin burada mənfi təsirinin qarşısını alır. Sabit Gürcüstan isə həm də Azərbaycan üçün vacibdir", - o deyib.

K.Ramazanlı qeyd edib ki, bu gün Gürcüstanda yarım milyona qədər soydaşımız yaşayır:

"Soydaşlarımızın kompakt yaşadığı Marneuli, Dmanisi, Bolnisi, Qardabani bölgələrində, eləcə də Zalqa rayonunda əhalinin əksəriyyəti "Gürcü arzusu"na səs verdi. Hakim partiya ən çox Bolnisi sakinləri tərəfindən dəstək alıb. Qeyd edim ki, bu rayonun əhalisinin 75 faizini bizim soydaşlar təşkil edir. Gürcüstan-Azərbaycan münasibətlərinin hazırda yüksək səviyyədə olmasını nəzərə alaraq, soydaşlarımız hakim partiyaya dəstək ifadə etdilər. Hesab edirəm ki, onlar Azərbaycan-Gürcüstan münasibətlərində mühüm körpü rolunu oynayır, bu münasibətlərin inkişafına mühüm töhfə verirlər".

Oxşar xəbərlər

Sorğu: Gürcüstan əhalisinin yarıdan çoxu parlament seçkilərində hakim partiyaya səs verəcək

Bu gün Gürcüstanda parlament seçkiləri keçiriləcək

Gürcü politoloq: Bəzi güclərə Cənubi Qafqazda sülh və sabitliyin bərqərar olması sərf eləmir

Gürcüstanın hakim partiyası parlament seçkilərində 54 faizlə qalib gəlir - YENİLƏNİB

Gürcüstanda keçiriləcək parlament seçkilərində 13 azərbaycanlı mübarizə aparacaq