Fransanın dənizaşırı ərazilərində insan hüquqlarının pozulmasına dair hesabat hazırlanıb.

"Report" xəbər verir ki, Bakı Təşəbbüs Qrupunun hazırladığı sənəddə dənizşaşırı ərazilərdə insan hüquqlarının, söz və ifadə azadlığının, seçki hüququnun pozulması, onların öz iradəsini ifadə etməsinə maneələrin mövcudluğu əks olunub.

BTQ-nin icraçı direktoru Abbas Abbasov hesabatın təqdimatı ilə əlaqədar keçirilən mətbuat konfransında bildirib ki, Fransanın mədəni assimilasiya siyasəti yerli mədəniyyətlərə mənfi təsir edir. Bunun fonunda təhsil sistemində fransız dili üstün tutulduğundan yerli dillərin qorunması ilə bağlı təhlükələr mövcuddur.

Konfransda qeyd olunub ki, Fransanın dənizaşırı ərazilərdə həyata keçirdiyi nüvə sınaqları və pestisid istifadəsi həmin bölgələrin ekoloji çirklənməsinə, yerli əhalinin sağlamlığına ziyan dəyməsinə səbəb olur.

Fransa müstəmləkələri Qvadelupe, Martinika və Mayot bölgələrinin təmsilçiləri çıxış edərək öz dövlətlərində mövcud olan problemlərə toxunublar. Onlar bildiriblər ki, Fransanın müstəmləkə siyasəti, iqtisadiyyat, mədəniyyət, ekologiyaya nəzarət və müdaxilə addımları sosial-ekoloji problemlərin dərinləşməsinə, meşələrin qırılmasına, su qıtlığı kimi fəsadlara, təhsil, səhiyyə, mədəniyyət, infrastruktur kimi sahələrdə ciddi problemlərə səbəb olur.

Oxşar xəbərlər

BTQ-nin icraçı direktoru: Fransanın Yeni Kaledoniyaya təyin etdiyi şəxs müstəmləkəçilik siyasəti həyata keçirir

Sabah Bakıda Fransanın müstəmləkəçilik siyasəti ilə bağlı beynəlxalq konfrans keçiriləcək

BTQ Beynəlxalq Frankofoniya Təşkilatını Fransanın törətdiyi cinayətlərə diqqət yetirməyə çağırıb

Bakı Təşəbbüs Qrupu BMT-nin İnsan Hüquqları Komitəsinə Fransanın kolonial siyasətini ifşa edən alternativ hesabat təqdim edib

BMT-nin tədbirində Fransanın cinayətləri pislənilib