Azərbaycan Tacikistanın əldə etdiyi bütün uğurları yüksək qiymətləndirir.

"Sizinxeber.az"un məlumatına görə, bunu Milli Məclisin sədri Sahibə Qafarova Tacikistana işgüzar səfəri çərçivəsində oktyabrın 11-də Tacikistan Konstitusiyasının 30 illik yubileyinə həsr olunmuş beynəlxalq parlament konfransında iştirak edib.

Milli Məclisin sədri qeyd edib ki, Azərbaycan və tacik xalqlarını çoxəsrlik tarix, mədəniyyət, din, ortaq dəyərlər və ənənələr birləşdirir:

“Xalqlarımız həmişə sülh, əmin-amanlıq, dostluq, qarşılıqlı anlaşma şəraitində yaşayıblar. Dövlətlərarası münasibətlərimiz məhz bu möhkəm təməl üzərində qurulub. Bu münasibətlərin yaranmasında Azərbaycan xalqının Ümummilli Lideri Heydər Əliyevin və Tacikistan Respublikasının Prezidenti cənab Emoməli Rəhmonun xüsusi rolu var”.

Spiker Azərbaycan və Tacikistan prezidentləri İlham Əliyev və Emoməli Rəhmonun qarşılıqlı səfərlərini qeyd edib.

S.Qafarova vurğulayıb ki, bu təmaslar zamanı aparılan danışıqlar və əldə olunan razılaşmalar, imzalanmış çoxsaylı sənədlər ikitərəfli əməkdaşlığın bütün sahələrində fəal qarşılıqlı fəaliyyətin inkişafına güclü təkan verib:

“Emoməli Rəhmonun Azərbaycana dövlət səfəri zamanı “Azərbaycan Respublikası ilə Tacikistan Respublikası arasında strateji tərəfdaşlıq haqqında Bəyannamə”nin imzalanması isə ölkələrimiz arasında münasibətləri keyfiyyətcə tamamilə yeni səviyyəyə qaldırıb. Ölkələr arasında ikitərəfli və çoxtərəfli münasibətlərə mühüm və müsbət təsir göstərən amillərdən biri də parlamentlərin qarşılıqlı fəaliyyətidir. Biz parlamentarilər xalqımızı təmsil edirik, işimiz isə onun iradəsini əks etdirir”.

Oxşar xəbərlər

Milli Məclisin sədri: Azərbaycan və Tacikistan parlamentləri arasında çox səmərəli əməkdaşlıq qurulub [xfgiven_updateblue][/xfgiven_updateblue]

Azərbaycan lideri: Tacikistanla möhkəm təməllər üzərində qurulmuş münasibətlərə böyük əhəmiyyət veririk [xfgiven_updateblue][/xfgiven_updateblue]

YAP-ın Milli Məclisin sədri postuna namizədi Sahibə Qafarova olub [xfgiven_updateblue][/xfgiven_updateblue]

Sahibə Qafarova və beynəlxalq konfransın iştirakçıları Emoməli Rəhmon ilə görüşüblər [xfgiven_updateblue][/xfgiven_updateblue]

Qafarova Gürcüstan parlamentinin sədri ilə görüşdü [xfgiven_updateblue][/xfgiven_updateblue]