Azərbaycan xarici işlər nazirinin müavini Elnur Məmmədov "Xəzərdə dayanıqlı gələcəyin qurulması: əlaqəlilik və iqlim tədbirləri" mövzusunda keçirilən 5-ci Xəzər Biznes Forumunda iştirak və çıxış edib.

"Sizinxeber.az" xəbər verir ki, nazir müavini Azərbaycanın əlaqəliliyin genişləndirilməsinə yanaşmasını vurğulayıb və ölkənin quru ilə bağlı olan ölkədən, quru ilə əlaqələnmiş ölkəyə çevrildiyini bildirib.

Elnur Məmmədov, həmçinin Azərbaycanın Orta, Şimal-Cənub nəqliyyat dəhlizlərinin inkişafı və Rəqəmsal İpək Yolu layihəsi ilə bağlı göstərdiyi səylər haqqında ətraflı məlumat verib.

Nazir müavini, Azərbaycanın azad edilmiş ərazilərdə başladığı və ölkəmiz tərəfindən “yaşıl enerji zonaları” elan olunan yaşıl təşəbbüslər barədə də danışıb.

Azərbaycanın COP29 sədrliyi çərçivəsində konvensional və təmiz enerjinin balanslaşdırılması, həmçinin ədalətli, nizamlı və bərabər keçid üçün təşəbbüslər, o cümlədən iqlim tədbirlərinin irəliləməsi məqsədilə bütün beynəlxalq tərəfdaşlarla sıx əməkdaşlıq məsələləri də diqqətə çatdırılıb.

Oxşar xəbərlər

Azərbaycanlı diplomat 5-ci Xəzər Biznes Forumunda iştirak edib

Soltan Məmmədov ŞƏT ölkələri parlamentarilərini COP29-da iştiraka dəvət edib

Braziliyada Azərbaycanın COP29 gündəliyi çərçivəsində təşəbbüslərindən danışılıb

Elnur Soltanov: COP29-da hər kəsə atəşkəsə riayət olunması ilə bağlı çağırış edəcəyik

Elnur Sultanov: Azərbaycan COP29-da bütün dünyaya atəşkəslə bağlı çağırış edəcək