Bu gün Baş nazir Əli Əsədov ölkəmizdə rəsmi səfərdə olan Pakistan Milli Assambleyasının sədri Sərdar Ayaz Sadiqin başçılıq etdiyi nümayəndə heyəti ilə görüşüb.

Bu barədə APA-ya Nazirlər Kabinetindən xəbər verilib.

Görüşdə qarşılıqlı etimad və dəstəyə əsaslanan Azərbaycan-Pakistan qardaşlıq əlaqələrinin inkişaf dinamikası vurğulanıb.

İki ölkə arasında siyasi dialoqun yüksək səviyyəsindən məmnunluq ifadə olunub.

Parlamentlərarası əməkdaşlığın əhəmiyyəti qeyd edilərək Azərbaycan və Pakistanın qanunverici orqanları arasında qurulmuş qarşılıqlı faydalı əlaqələrin dövlətlərarası münasibətlərin hərtərəfli inkişafına müsbət töhfə verdiyi bildirilib.

Görüş zamanı həmçinin iki ölkə arasında müxtəlif sahələrdə əməkdaşlığın genişləndirilməsi perspektivləri və qarşılıqlı maraq doğuran digər məsələlər müzakirə olunub.

Oxşar xəbərlər

Milli Məclis və Pakistan Milli Assambleyasının sədrlərinin görüşü olub

Prezident İlham Əliyev Pakistan Milli Assambleyası sədrini qəbul edib

Sahibə Qafarova Macarıstan Milli Assambleyasının sədr müavini ilə görüşüb

Ceyhun Bayramov İraqın Nümayəndələr Şurasının sədri ilə görüşüb - FOTO

Azərbaycan və Pakistan arasında növbəti siyasi məsləhətləşmələr keçirilib