Milli Məclis arbitrajla əlaqədar ərizələrə görə müəyyənləşən dövlət rüsumlarını ilk oxunuşda təsdiqləyib.

“Sizinxeber.az” xəbər verir ki, “Arbitraj haqqında” qanunun icrası ilə əlaqədar beş məcəllə və altı qanunda dəyişiklik edilib.

Qanunun icrası ilə əlaqədar “Dövlət rüsumu haqqında” qanuna təklif edilən dəyişikliyə əsasən arbitraja münasibətdə yardım funksiyalarının yerinə yetirilməsi ilə bağlı ərizənin verilməsinə görə 100 manat, müvəqqəti təminat tədbirlərinin tətbiqi barədə arbitraj məhkəmələrinin qərarlarının tanınması və icrası ilə bağlı ərizənin verilməsinə görə 50 manat, Arbitraj məhkəmələrinin qərarlarının ləğv edilməsi ilə bağlı ərizənin verilməsinə görə 100 manat, yerli arbitraj məhkəmələrinin qərarlarının məcburi icrasının təmin edilməsi ilə bağlı ərizənin verilməsinə görə 50 manat rüsum müəyyən edilir.

İclasda bildirilib ki, digər məcəllə və qanunlara edilən dəyişikliklər isə uyğunlaşdırma xarakteri daşıyır.

Layihə səsverməyə qoyularaq bir oxunuşda qəbul edilib.

Oxşar xəbərlər

Hərbi texnika və silahla əlaqədar lisenziya verilməsinə görə yeni dövlət rüsumları müəyyənləşib

Hərbi texnika və silahla əlaqədar lisenziya verilməsinə görə dövlət rüsumu müəyyənləşib