Tacikistan Respublikasının Prezidenti Emoməli Rəhmon Prezident İlham Əliyevə məktub ünvanlayıb.

APA xəbər verir ki, məktubda deyilir:

"Hörmətli İlham Heydər oğlu.

Ermənistan Respublikası ilə iki ölkə arasında möhkəm sülhə nail olunmasına yol açan Birgə Bəyannamənin imzalanması münasibətilə Sizi və dost Azərbaycan xalqını səmimi-qəlbdən təbrik edirəm.

Bu tarixi hadisəni alqışlayır, böhranların və münaqişələrin həllində yeganə vasitə olan sülh dialoqunun əhəmiyyətini vurğulayırıq.

Əminik ki, əldə olunan razılaşmalar mehriban qonşuluq münasibətlərinin inkişafına zəruri əsas yaradacaq, eyni zamanda, Qafqazda sabitliyin və təhlükəsizliyin əsaslarının möhkəmlənməsinə və konstruktiv regionlararası əməkdaşlığın genişlənməsinə kömək edəcəkdir.

Hörmətli İlham Heydər oğlu, fürsətdən istifadə edərək, Sizə möhkəm cansağlığı və dost Azərbaycan xalqının rifahı naminə ali dövləti fəaliyyətinizdə yeni-yeni uğurlar arzulayıram".

Oxşar xəbərlər

Emoməli Rəhmon Prezident İlham Əliyevə təbrik məktubu ünvanlayıb

Emoməli Rəhmon Prezident İlham Əliyevi təbrik edib

Sərdar Berdiməhəmmədov Azərbaycan Prezidentinə təbrik ünvanlayıb

Qırğızıstan lideri Prezident İlham Əliyevə təbrik ünvanlayıb

Nursultan Nazarbayev Prezident İlham Əliyevə təbrik məktubu ünvanlayıb