Bakı Şəhəri Dövlət Yol Polisi İdarəsi Bakının bəzi yollarında hərəkət istiqamətinin dəyişdirilməsi ilə bağlı sürücülərə müraciət edib.

Bu barədə "Sizinxeber.az"a qurumdan məlumat verilib.

Bildirilib ki, COP29 tədbirinə hazırlıq məqsədi ilə oktyabrın 26-dan 27-nə keçən gecə saat 02 radələrindən 06 radələrinədək Bakının bəzi küçə və prospektlərində monitorinqlərin keçirilməsi üçün məhdudiyyətlər tətbiq ediləcək, eləcə də avtomobillərin hərəkət istiqaməti dəyişdiriləcək. Məlumata görə, hava limanı istiqamətinə alternativ yol kimi sürücülər 20 Yanvar, Ziya Bünyadov, Qara Qarayev prospekti, Nargilə dairəsi kimi tanınan ərazidən Zığ yoluna keçməklı hərəkət edə bilərlər.

"Bilgəh Kardioloji Sanatoriyasından Hava limanı istiqamətində məhdudiyyət tətbiq olunduğundan sürücülər Maştağa qəsəbəsi, Albalılıq ərazisi və Qala dairəsindən Zığ şosesinə keçməklə hərəkət edə bilərlər. Cənubdan mərkəzə doğru, yəni "Azneft" və "Neftçilər" dairəsinə alternativ kimi isə sürücülər Bakı-Salyan yolunun 14-cü kilometrliyindən Lökbatan dairəsi istiqamətində üçüncü kənar dairəvi yolla 20 Yanvar və ya Yeni Yasamal ərazisindən keçməklə daxil ola bilərlər. Sürücülərdən monitorinq müddətində müəyyən istiqamətlər üzrə nəqliyyat vasitələrinin hərəkətinə tətbiq olunacaq məhdudiyyətləri nəzərə almaları xahiş olunur", - məlumatda qeyd olunub.

Oxşar xəbərlər

DYP bir sıra yollarda hərəkət istiqamətinin dəyişdirilməsi ilə bağlı sürücülərə müraciət edib

Yol polisi COP29 tədbirinə hazırlıq məqsədi ilə bağlanacaq yollarla bağlı sürücülərə müraciət edib

Yol polisi bəzi yollarda aparılacaq monitorinqlərlə bağlı sürücülərə müraciət edib

COP29 ərəfəsində hava limanına gedəcək vətəndaşlar alternativ yollardan istifadə etsinlər - BİRGƏ MÜRACİƏT

Bakıda bəzi yollarda hərəkət istiqaməti dəyişdiriləcək