Şəki rayon prokurorluğunun avqustun 27-də yeni inzibati binası istifadəyə verilib.

"Sizinxeber.az"un şimal bürosu xəbər verir ki, açılış mərasimində Baş prokuroru Kamran Əliyev iştirak edib.

Baş prokurorluğun rəhbərliyinin də iştirak etdiyi tədbirə, həmçinin, digər dövlət və hüquq mühafizə orqanlarının əməkdaşları qatılıb.

Tədbiri giriş sözü ilə açan Kamran Əliyev qeyd edib ki, milli prokurorluq orqanlarının bu gün dünya standartlarına uyğun fəaliyyəti qanunçuluq, hər kəsin qanun qarşısında hüquq bərabərliyi, insan və vətəndaş hüquqlarının təmin olunması prinsiplərinə əsaslanan, demokratik cəmiyyətdə özünəməxsus yer tutan orqan kimi formalaşması və prokurorluq orqanlarının konstitusion statusa malik olmaqla dövlət idarəetməsində mühüm əhəmiyyət daşıması ulu öndər Heydər Əliyevin rəhbərliyi altında başlanan və Prezident İlham Əliyev tərəfindən uğurla davam etdirilən hüquq islahatları və hərtərəfli dövlət dəstəyi nəticəsində mümkün olub.

Bildirilib ki, Şəki rayon prokurorluğunun inzibati binasının istifadəyə verilməsi çox əlamətdar bir dövrə - prokurorluq orqanlarının yaradılmasının 106-cı ildönümünə təsadüf edir.
Azərbaycan Respublikasının Prezidenti İlham Əliyevin prokurorluq orqanlarına göstərdiyi daimi diqqət və qayğıdan bəhs edən Baş prokuror dövlətə və dövlətçiliyə sadiq olan prokurorluq orqanlarının fəaliyyətində qanunçuluğu rəhbər tutduğunu qeyd edib.

Daha sonra iştirakçılar Şəki rayon prokurorluğu üçün yeni tikilmiş binada yaradılan şəraitlə tanış olub.

Baş prokuror prokurorluq orqanlarının istifadəsinə verilmiş, müasir standartlara cavab verən və kriminalistik avadanlıqlarla təchiz olunmuş yeni xidməti avtomobillərə baxış keçirib.

Oxşar xəbərlər

Kamran Əliyev Nəsimi rayonunda vətəndaşları qəbul edəcək [xfgiven_updateblue][/xfgiven_updateblue]

Kamran Əliyev paytaxtın Xətai rayonunda vətəndaşları qəbul edəcək [xfgiven_updateblue][/xfgiven_updateblue]

Prokurorluq orqanlarının yaranmasından 105 il ötür [xfgiven_updateblue][/xfgiven_updateblue]

Kamran Əliyev Yasamal rayonunda vətəndaşları qəbul edib [xfgiven_updateblue][/xfgiven_updateblue]

Kamran Əliyev Xətai rayonunda vətəndaşları qəbul edəcək [xfgiven_updateblue][/xfgiven_updateblue]