Azərbaycanın Baş nazirinin müavini Samir Şərifov avqustun 8-də Qırğızın Nazirlər Kabineti sədrinin müavini Edil Baysalov ilə görüşüb.

"Report" xəbər verir ki, bu barədə Nazirlər Kabineti məlumat yayıb.

Bildirilib ki, görüşdə Azərbaycan və Qırğızıstan prezidentlərinin qarşılıqlı etimada əsaslanan münasibətlərinin və sıx təmaslarının dövlətlərarası əlaqələrin strateji tərəfdaşlıq səviyyəsinə çatmasında və ardıcıl şəkildə inkişaf etməsində ən mühüm amil olduğu vurğulanıb.

İki ölkə arasında ticarət-iqtisadi, investisiya, nəqliyyat və humanitar sahələrdə əməkdaşlığın genişləndirilməsi perspektivləri müzakirə olunub.

S.Şərifovun həmsədri olduğu Azərbaycan-Qırğızıstan iqtisadi və humanitar sahələrdə əməkdaşlıq üzrə birgə hökumətlərarası komissiyasının növbəti iclasının cari ilin sonlarında Bakı şəhərində keçirilməsi ilə bağlı məsələlər ətrafında fikir mübadiləsi aparılıb.

Oxşar xəbərlər

Samir Şərifov qırğız həmkarı ilə görüşüb

Əli Əsədov Moldova Baş nazirinin müavini ilə ikitərəfli əməkdaşlığı müzakirə edib

Azərbaycan-Türkmənistan Hökumətlərarası Komissiyasının 8-ci iclası keçirilib

Azərbaycan-Türkmənistan Hökumətlərarası Komissiyasının iclası keçirilib, tərəfdaşlıq sənədi imzalanıb - YENİLƏNİB