İyulun 1-də Azərbaycan Respublikasının Prezidenti İlham Əliyevin təşəbbüsü ilə ilk dəfə olaraq “İƏT Həftəsi” çərçivəsində Ağdam şəhərində İqtisadi Əməkdaşlıq Təşkilatının (İƏT) Gənclər Forumu keçiriləcək.

“Sizinxeber.az” xəbər verir ki, forumun əsas məqsədi gənclərin İƏT regionunun gələcəyinin qurulmasında iştirakını gücləndirmək və onların ideyalarını təşkilatın yeni inkişaf strategiyasına daxil etməkdir.

Tədbir gənclərin dayanıqlı inkişaf, iqtisadi inteqrasiya və innovasiya sahələrində fəal rolunu təşviq edəcək, həmçinin onların qərarqəbuletmə proseslərinə cəlb olunmasına töhfə verəcək. Forumda iqtisadi və ticarət əməkdaşlığı, dayanıqlılıq və texnologiya, insan kapitalı və digər mövzular müzakirə olunacaq.

Forum habelə gənclərin regional siyasətdə rolunu artırmaq və onların gələcək nəsillər üçün verdiyi töhfələri tanıtmaq baxımından mühüm platforma olacaq.

Oxşar xəbərlər

COP29: Gənclər iqlim gündəliklərinin inkişafında yeni perspektivlər açır

Bakıda Beynəlxalq Aqrar İnnovasiya Forumu təşkil olunacaq

Növbəti CAREC forumu Almatıda keçiriləcək

Bakıda Avropa və MDB Poçt Liderlərinin I Forumu keçiriləcək

KOBİA: Türk dövlətlərinin ticari-iqtisadi əlaqələrini daha da gücləndirmək mümkündür