Azərbaycanın beynəlxalq televiziya kanalı CBC-nin filmi Amsterdamda keçirilən nüfuzlu kinofestivalın nominantları siyahısına daxil edilib.

“Report”un məlumatına görə, söhbət CBC telekanalının baş direktoru Vüqar Xəlilovun rəhbərliyi ilə ərsəyə gələn “İrəvanın gizli irsi” filmindən gedir.

“Onilliklər ərzində Ermənistan sistematik olaraq Azərbaycan irsini silməyə, İrəvanın qurucularını və keçmiş sakinlərini unutdurmağa, azərbaycanlılar haqqında hər hansı bir qeydi məhv etməyə çalışıb”, - filmdə qeyd olunur.

CBC telekanalının çəkiliş qrupu İrəvanda olub, vaxtilə azərbaycanlıların kompakt yaşadığı məhəllələrə baş çəkib.

O cümlədən vaxtilə Təpəbaşı məscidinin yerləşdiyi və hazırda erməni ailələrinin məskunlaşdığı ərazidə çəkilişlər aparılıb. Müəyyən edilib ki, fransız və amerikalı investorlar məscidin qalıqlarını əvvəllər azərbaycanlıların yaşadıqları məhəllə ilə birlikdə sökməyi planlaşdırırlar.

Telekanalın çəkiliş qrupu həmçinin Pənahəli Xanın oğlu Əlixanın evində olub, İrəvan şəhərinin yaxınlığında yerləşən Cəfərabad kəndindəki Pir Hüseyn türbəsinə baş çəkib, Göy məscidin daxilində və xaricində çəkilişlər aparıb.

Qeyd edək ki, “Around” beynəlxalq film festivalı (Around International Film Festival, ARFF) IMDb mükafatlarına namizəd olan bədii filmlər, sənədli filmlər və qısametrajlı filmlərin təqdim edildiyi müstəqil illik tədbirdir.

Oxşar xəbərlər

CBC telekanalı tarixi keçmişi məhv edilən İrəvanla bağlı növbəti film çəkib [xfgiven_updateblue][/xfgiven_updateblue]

“Qarabağda 44 gün” - “Haber Global”ın SƏNƏDLİ FİLMİ + VİDEO [xfgiven_updateblue][/xfgiven_updateblue]

İcma: İndiki Ermənistan ərazisində Qərbi azərbaycanlıların maddi və qeyri-maddi mədəni irsi məhv edilib [xfgiven_updateblue][/xfgiven_updateblue]

Araik Arutyunyan terrorizmi təbliğ etməkdə ittiham olunur [xfgiven_updateblue][/xfgiven_updateblue]

Həmədanın mərkəzi hissəsi UNESCO-nun mədəni irs siyahısına daxil edilib [xfgiven_updateblue][/xfgiven_updateblue]