“Vatican News”un Azərbaycan dili bölməsi fəaliyyətə başlayıb

“Vatican News”un Azərbaycan dili bölməsi fəaliyyətə başlayıb.

Sizinxeber.az xəbər verir ki, Müqəddəs Taxt-Tacın əsas informasiya agentliklərindən biri olan “Vatican News” veb səhifəsinin Azərbaycan dili bölməsi fəaliyyət göstərməyə başlayıb.

“Vatican News” Müqəddəs Taxt-Tacın xəbər portalıdır.

“Vatican News” çoxdilli, çoxmədəniyyətli, çoxkanallı, multi-media və müxtəlif cihaz platformasında audio, video, mətn və şəkillər vasitəsilə rabitəni və qarşılıqlı əlaqəni təmin edir.

Agentlikdə dörd tematik sahədə, Papanın, Müqəddəs Taxt-Tacın və yerli Kilsələrin fəaliyyəti, habelə dünya xəbərləri ilə bağlı məlumatlar yer alır. “Vatican News” Vatikan Radiosunun dil proqramlarının əməliyyat strukturu üzərində qurulub.