Bu ilin altı ayı ərzində telekanallarda aparılan monitorinqlər nəticəsində 5 qanun pozuntusu faktı aşkarlanıb.

Bu barədə "Report"un sorğusuna cavab olaraq Audiovizual Şuradan bildirilib.

Qeyd edilib ki, pozuntu hallarından ikisi “Media haqqında” qanunun 14-cü maddəsinin (mediada yayımlanan informasiyaya dair tələblər), biri 38-ci maddəsinin (yayım hüququ) və ikisi “Reklam haqqında” qanunun 4.3-cü maddəsinin (reklam olunan tibb müəssisəsinin lisenziyasının nömrəsinin göstərilməməsinə görə) tələblərinin pozulması ilə bağlı olub.

Məlumata görə, bu pozuntulara görə yayımçılara ümumilikdə 3 yayımın dayandırılması (üç saat – 2 dəfə, iyirmi dörd saat – 1 dəfə) sanksiyası, 2 xəbərdarlıq tətbiq edilib.

Bildirib ki, bu müddət ərzində yayımçılara münasibətdə cərimə ilə bağlı protokol tərtib edilməyib.

Oxşar xəbərlər

Ötən il televiziya və radio efirində 358 pozuntu faktı aşkarlanıb

Telekanallarda son səkkiz ayın monitorinqi: Doqquz ciddi pozuntu faktı aşkarlanıb

“MTV” və “Dünya TV”-nin yayımı 3 saatlıq dayandırılacaq

Məhkəmə “Səhiyyə TV”-ni cərimələyib