Azərbaycan ilə Serbiya arasında mədəniyyət sahəsində əməkdaşlığın perspektivləri müzakirə olunub.

Bu barədə "Report"a Mədəniyyət Nazirliyindən məlumat verilib.

Bildirilib ki, mədəniyyət naziri Adil Kərimli ölkəmizdə səfərdə olan serbiyalı həmkarı Nikola Selakoviçin rəhbərlik etdiyi nümayəndə heyəti ilə görüşüb.

Adil Kərimli iki ölkənin əlaqələrinin Prezident İlham Əliyev ilə serbiyalı həmkarı Aleksandar Vuçiç arasında mövcud olan qarşılıqlı etimada və dostluğa əsaslanan münasibətlər zəminində ildən-ilə inkişaf etdiyini bildirib.

Mədəniyyət nazirinin sözlərinə görə, Serbiyanın milli aviadaşıyıcısı "Air Serbia"nın 3 may tarixindən etibarən Belqradla Bakı arasında birbaşa uçuşlara başlaması əlamətdar hadisədir və bu, digər sahələrlə yanaşı, mədəniyyət sahəsində də əlaqələrin genişlənməsinə öz töhfəsini verəcək.

Görüş zamanı mədəniyyət sahəsində əlaqələrin perspektivləri və gələcək layihələrlə bağlı geniş fikir mübadiləsi aparılıb.

Oxşar xəbərlər

Azərbaycanla Mərakeş arasında qarşılıqlı mədəniyyət günləri keçirilə bilər

Adil Kərimli Rusiyanın mədəniyyət naziri ilə görüşüb

Adil Kərimli İranın mədəni irs, turizm və sənətkarlıq naziri ilə görüşüb