Gözlənilən sinoptik şəraitin analizinə əsasən deyə bilərik ki, fevral ayının sonlarına doğru soyuq hava kütlələrinin təsiri nəticəsində ölkə ərazisində hava şəraitinin dəyişəcəyi, şimal-qərb küləyinin güclənəcəyi, arabir yağıntılı olacağı, bəzi yerlərdə qar yağacağı ehtimal olunur.

Bunu APA-nın sorğusuna cavab olaraq Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova deyib.

O bildirib ki, soyuq hava kütləsinin müdaxiləsi temperatur rejiminə də təsir göstərəcək, havanın temperaturu bu günlərlə müqayisədə aşağı enəcək.

G.Məmmədova qeyd edib ki, fevralın 14-də ölkə ərazisində hava şəraitinin qeyri-sabit keçəcəyi, arabir yağıntılı olacağı, dağlıq və dağətəyi rayonlarda isə qar yağacağı gözlənilir. 15-si səhərdən yağıntıların tədricən kəsiləcəyi, ilkin məlumatlara əsasən sonrakı 2-3 gün ərzində, fevralın 16-18-də havanın mülayim, əsasən yağmursuz keçəcəyi gözlənilir.

“Hava şəraitinin dəyişməsi ilə əlaqədar məlumatlar 2-3 gün öncədən KİV-ə və əlaqədar təşkilatlara çatdırılır. Eyni zamanda meteo.az mobil tətbiqindən də yenilənən məlumatları əldə etmək olar”, - deyə o əlavə edib.

Günay Elşən

Oxşar xəbərlər

31 dekabr-2 yanvarda ölkə ərazisində gözlənilən ilkin hava proqnozu açıqlanıb [xfgiven_updateblue][/xfgiven_updateblue]

Sulu qar yağacaq, temperatur aşağı düşəcək - XƏBƏRDARLIQ [xfgiven_updateblue][/xfgiven_updateblue]

Bayram tətili günlərində gözlənilən hava proqnozu açıqlanıb [xfgiven_updateblue][/xfgiven_updateblue]

Qeyri-sabit hava şəraiti fevralın 10-a kimi davam edəcək [xfgiven_updateblue][/xfgiven_updateblue]

Havanın temperaturu 5-10 dərəcə enəcək, qar yağacaq, yollar buz bağlayacaq - XƏBƏRDARLIQ [xfgiven_updateblue][/xfgiven_updateblue]