Gürcüstanın İnnovasiya və Texnologiyalar Agentliyinin (GITA) dəstəyi və "StrategEast"in təşkilatçılığı ilə fevralın 10-da "Microsoft for Startups" vebinari keçiriləcək.

"Sizinxeber.az"un Gürcüstan bürosu xəbər verir ki, vebinarda Gürcüstan və Azərbaycandan olan startaplar, İT şirkətləri və digər sektorların nümayəndələri iştirak edəcəklər.

Tədbir Qafqaz regionunda "StrategEast" və "Microsoft"un tərəfdaşlığı çərçivəsində təşkil ediləcək. Vebinarın əsas spikeri "Microsoft"un tərəfdaşlıq inkişafı üzrə məsləhətçisi Adrian George olacaq.

Məlumata görə, vebinarın məqsədi startaplar və innovativ İT şirkətlərini dəstəkləmək və gücləndirməkdir.

Tədbirin tərəfdaşları GITA və Azərbaycanın İnnovasiya və Rəqəmsal İnkişaf Agentliyidir.

Oxşar xəbərlər

Sumqayıtda İnnovasiya Mərkəzi açılıb