Rəqəmsal İnkişaf və Nəqliyyat Nazirliyi yanında Kosmik Agentlik ("Azərkosmos") Botsvananın Mülki Aviasiya İdarəsi ilə əməkdaşlığa başlayıb.

"Report" bu barədə "Azərkosmos"a istinadən xəbər verir.

Məlumata görə, tərəflər arasında imzalanmış uzunmüddətli tərəfdaşlıq müqaviləsi sayəsində Botsvanada “Azerspace-1” peykinin yerüstü rabitə və data xidmətləri təqdim olunacaq.

“Azerspace-1” peykinin C yayım zolağının Afrika şüası üzrə Botsvanaya peyk data xidmətinin verilməsi ilk dəfə olaraq həyata keçirilir.

"Azərkosmos" təkcə Cənubi Afrikada yerləşən 13 ölkədən 6-na peyk xidmətləri təqdim edir. Botsvana ilə qurulmuş bu əməkdaşlıq Cənubi Afrika ölkələrində həyata keçirilən irihəcmli data layihələrində “Azerspace” peyklərinin xidmətlərinin istifadəsini genişləndirəcək.

Oxşar xəbərlər

Azərkosmos peyk xidmətlərini Botsvanada təqdim edəcək

"Azərkosmos" “Azerspace-2” peyki üçün sığortaçı seçir

“Azərkosmos”un xidmətlərinin ixrac olunduğu ölkələrin sayı artıb

"Azərkosmos"un teleportu “TIER 4” uyğunluq sertifikatını yeniləyib

“CityNet” indi “Nar” mağazalarında