Azərbaycanın üçüncü telekommunikasiya peyki olan Azerspace-3 layihəsi üzrə porensial peyk istehsalçıları, peykin birgə istifadəsi üçün partnyorlar və maliyyə institutları ilə danışıqlar davam edir.

Bu barədə “APA-Economics”in sorğusuna cavab olaraq Azərbaycan Milli Kosmik Agentliyindən (AZƏRKOSMOS) bildirilib.

Qeyd edilib ki, peykin hazır olması və istismarı ilə bağlı hədəfdə dəyişiklik yoxdur:

“Ənənəvi oxşar peyklərdə istismar müddəti 15 il olur. Lakin müasir platformalarda fərqli müddətlər də mümkündür. Peykin istehsalçısı və ayrılan investisiya barədə son qərar verildikdə əlavə məlumat veriləcək”.

Xatırladaq ki, Azərbaycanın ilk telekommunikasiya peyki olan “Azerspace-1” 2013-cü ildə, ikinci telekommunikasiya peyki olan “Azerspace-2” 2018-ci ildə orbitə buraxılıb. 2023-ildən isə “Azerspace-1” peykinin 2028-2029-cu illərdə əvəzlənməsi istiqamətində “Azerspace-3” layihəsi üzrə işlərə start verilib.

Oxşar xəbərlər

"Azərkosmos" “Azerspace-2” peyki üçün sığortaçı seçib

"Azərkosmos" “Azerspace-2” peyki üçün sığortaçı seçir

“Azerspace-1” sığortaçı seçir

Ərbəin ziyarətinin “Azerspace-1” peykindən canlı yayımına başlanılıb

Bu gün Dünya Aviasiya və Kosmonavtika Günüdür