Cari ildə Azərbaycanda həyata keçirilən orqan transplantasiyası əməliyyatlarından 88-i uğurlu, 5 uğursuz olub.

Bu barədə "Report"un sorğusuna cavab olaraq Səhiyyə Nazirliyi Orqan Donorluğu və Transplantasiyası üzrə Koordinasiya Mərkəzindən məlumat verilib.

Qeyd edilib ki, bu il 93 orqan transplantasiyası əməliyyatı icra olunub. Onlardan 47-si böyrək, 30-u qaraciyər, 16-sı isə sümük iliyi transplantasiyasıdır.

Böyrək transplantasiyası əməliyyatlarından 46-sı uğurlu, 1-i uğursuz olub. Qaraciyər transplantasiyalarından isə 26 əməliyyat uğurla nəticələnib, 4-ü ilə bağlı nəticə isə uğursuz olub.

Sümük iliyi transplantasiyası üzrə həyata keçirilən bütün əməliyyatlar isə uğurla başa çatıb.

Oxşar xəbərlər

Bu ilin altı ayında icbari tibbi sığorta təminatı ilə 80 orqan transplantasiyası əməliyyatı icra olunub

Bu ilin altı ayı ərzində Azərbaycanda 61 böyrək, 54 qaraciyər köçürülüb

SN: 600-ə yaxın şəxs donor gözləyir

SN: Ölümündən sonra donor olmaq istəyən şəxslərin sayı çox azdır