Azərbaycanın 2 boksçusu Monteneqronun Budva şəhərində keçirilən gənclər arasında dünya birinciliyində qələbə qazanıb.

"Sizinxeber.az" xəbər verir ki, Zidan Hümbətov (51 kq) ilk görüşündə Alexandros Mavrommatislə (Yunanıstan) qarşılaşıb.

O, görüşün taleyini ikinci raundda həll edərək tam üstünlüklə qalib gəlib. Hümbətov 1/8 finalda Mateuş Şoçarjla (Polşa) döyüşəcək.

Əli Abdullayev (63,5 kq) isə ikinci qarşılaşmasını aktivinə yazıb. O, 1/16 finalda Malik Suqaypovu (Rusiya) məğlub edib – 4:1 (29:28, 28:29, 29:28, 29:28, 30:27). Boksçumuz növbəti görüşdə Ruslan Qafurovla (Tacikistan) üz-üzə gələcək.

Qeyd edək ki, mundiala noyabrın 3-də yekun vurulacaq.

Oxşar xəbərlər

Azərbaycanın 3 boksçusu dünya birinciliyində qələbə qazanıb

Azərbaycanın üç boksçusu dünya birinciliyinə qələbə ilə start verib

Azərbaycan boksçusu lisenziya turnirində ikinci qələbəsini qazanıb

Azərbaycanın iki boksçusu Avropa çempionatına qələbə ilə başlayıb

Azərbaycanın üç boksçusu Avropa çempionatında finala yüksəlib