Britaniya Kolumbiyası Universitetinin Blasson Kvant Materiyası İnstitutunun tədqiqatçıları ilk dəfə olaraq metal və birölçülü maqnitizm xüsusiyyətlərini birləşdirən yeni Kvant materialları sinfinin mövcudluğunu eksperimental olaraq təsdiqləyiblər.

"Report"un xəbərinə görə, bu barədə elmi iş "Nature Materials" jurnalında dərc olunub.

Alimlər qrupu Ti₄MnBi₂ birləşməsini tədqiq ediblər və bunun açıq fırlanma zəncirləri olan metal sistem - kiçik maqnitlərin bir-biri ilə qarşılıqlı əlaqədə olan bir ölçülü strukturlar olduğunu sübut ediblər. İndiyə qədər belə zəncirlər demək olar, yalnız izolyatorlarda öyrənilib və onların metallarda davranışı nəzəri fərziyyə olaraq qalıb.

Tədqiqata rəhbərlik edən professor Meyqan Aronson deyib: “Bu, belə materialda maqnit və keçiriciliyin nəinki bir yerdə mövcud olduğu, həm də bir-biri ilə sıx əlaqəli olduğu ilk təsdiqlənmiş haldır”. “Biz sübut etdik ki, ənənəvi maqnit izolyatorları ilə mürəkkəb elektron sistemlər arasında əvvəllər yalnız nəzəri hesablamalarda qalan aralıq vəziyyət mövcuddur”, - o əlavə edib.

"Nəticələrimiz gələcək kvant hesablamaları və spin effektləri ilə işləyən yeni yaddaş qurğularının yaradılması üçün etalon ola bilər", - elmi işin müəlliflərindən biri olan doktor Alberto Noçera bildirib.

Oxşar xəbərlər

Alimlər kvant aləmində “əks zaman”ın mövcudluğunu aşkar ediblər

Alimlər bal arısı zəhərinin xərçəng hüceyrələrini məhv etdiyi müəyyən ediblər

Alimlər salmonellaların antibiotiklərə qarşı müqavimətinin sirrini açıblar

Alimlər Avstraliyanın ən nadir heyvanlarının tədqiqində irəliləyiş əldə ediblər