Mediada Qarabağ Regional Təhsil İdarəsinin çoxsaylı əməkdaşının işdən azad olunması ilə bağlı yayılan xəbərlər həqiqəti əks etdirmir.

Bu barədə "Report"un sorğusuna cavab olaraq idarədən bildirilib.

Qeyd olunub ki, il başlayandan regional təhsil idarələrinin strukturunda müvafiq dəyişiklik edilib.

"Qarabağ RTİ-də metodiki kabinetlərdə çalışan metodistlər razılıqları əsasında ümumi təhsil müəssisələrində müvafiq vəzifələrə yerləşdirilib. Metodiki kabinetdə texniki vəzifələrdə çalışan işçilər isə idarədə vəzifə maaşı eyni olan digər texniki işçi vəzifələrinə keçirilib. Ümumilikdə 61 əməkdaşın 52-nin işlə təminatı artıq həyata keçirilib, digər əməkdaşlarla bağlı müvafiq proses icra edilir", - məlumatda bildirilib.

Xatırladaq ki, sosial şəbəkə və mediada Qarabağ Regional Təhsil İdarəsinin 53 əməkdaşının işdən çıxarıldığı barədə məlumatlar yayılıb.

Oxşar xəbərlər

Qarabağ Regional Təhsil İdarəsi intihar xəbəri yayılan əməkdaşın ölümü barədə məlumat yayıb

Quba-Xaçmaz Regional Təhsil İdarəsinə yeni müdir təyin edilib

Regional Təhsil İdarəsi: İmişlidə yeni məktəb binasının tikintisinə başlanılacaq

İki regional təhsil idarəsinin müdiri yeni vəzifəyə təyin edilib

Regional Təhsil İdarəsi Sumqayıtda məktəblilərin zəhərlənməsi ilə bağlı yayılan iddialara cavab verib