"Məktəbəqədər təhsil müəssisələrinin müdiri vəzifəsinə işə qəbul üzrə müsabiqənin test imtahanı mərhələsi təşkil olunur".

Bu barədə Sizinxeber.az-ya Məktəbəqədər və Ümumi Təhsil üzrə Dövlət Agentliyinin mətbuat xidmətindən məlumat verilib.

Bildirilib ki, müsabiqənin test imtahanı mərhələsində 480 namizəd dəvət edilib:

"Bu mərhələdə hər bir namizədə məktəbəqədər təhsil və idarəetmə, oxuyub anlama bacarığı, məntiq və məktəbəqədər təhsilin məzmunu istiqamətləri üzrə hər biri 15 sual olmaqla ümumi 60 sual təqdim edilir. Göstərilən hər bir istiqamət üzrə minimum 5 bal olmaqla ümumi 30 bal və daha yüksək nəticə göstərən namizədlər müsahibə mərhələsində iştirak etmək hüququ qazanırlar".

"Məktəbəqədər təhsil müəssisələrində kadr potensialının yaxşılaşdırılması əsas hədəflərdəndir. Bu istiqamətdə Məktəbəqədər və Ümumi Təhsil üzrə Dövlət Agentliyi tərəfindən mütəmadi tədbirlər həyata keçirilir", - deyə məlumatda bildirilib.

Oxşar xəbərlər

Məktəblərdə vakant direktor vəzifəsinə işə qəbul üzrə test imtahanı keçirilir

Bağça müəllimlərinin diaqnostik qiymətləndirilməsinə başlanılır

Məktəbdənkənar müəssisələrdə çalışan müəllimlərin diaqnostik qiymətləndirilməsi nəzərdə tutulub

Bağça müəllimlərinin işə qəbulu üzrə müsabiqənin test imtahanı keçirilir

Bağçalara müdir vəzifəsinə işə qəbul üzrə müsabiqənin elektron sənəd qəbulu başlayıb