Əqli Mülkiyyət Agentliyində aparılan təhlil və hesablamalar göstərir ki, Azərbaycanın Ümumi Daxili Məhsulda (ÜDM) kreativ sənayenin payı getdikcə artmaqdadır.

"Report" xəbər verir ki, bunu Əqli Mülkiyyət Agentliyinin İdarə Heyətinin sədri Kamran İmanov “Kreativ iqtisadiyyat: data modeli, ölçülməsi və əqli mülkiyyət” mövzusuna həsr olunan regional seminarda deyib.

Onun sözlərinə görə, son illərdə ölkənin ÜDM-də kreativ sənayenin payı 2018-ci ildə 5,1%-dən 2024-cü ilin yanvarın 1-nə olan vəziyyətə görə 5,2%-ə çatıb.

"Son illərdə ÜDM-də kreativ sənayenin payı 2%-dən çox artaraq hazırda inkişaf etmiş ölkələr səviyyəsindədir. Kreativ iqtisadiyyat bu gün müasir rəqəmli iqtisadiyyata müvafiq cavab və davamıdır".

Qeyd edək ki, Əqli Mülkiyyət Agentliyinin və Ümumdünya Əqli Mülkiyyət Təşkilatının (ÜƏMT) birgə təşkilatçılığı ilə keçirilən “Kreativ iqtisadiyyat: data modeli, ölçülməsi və əqli mülkiyyət” mövzusuna həsr olunan regional seminar keçirilir. Seminarda beynəlxalq təşkilatı təmsil edən nümayəndə heyəti, həmçinin Türkiyə, Qazaxıstan, Özbəkistan və Qırğızıstandan nümayəndələr iştirak edirlər.

Oxşar xəbərlər

ABŞ Azərbaycanda əqli mülkiyyət hüquqlarının müdafiəsinə dəstək verməyə hazırdır

Kamran İmanov: Azərbaycan çirkin kampaniya aparılmasına baxmayaraq, COP29-u uğurla keçirəcək

“Qlobal İnnovasiya İndeksi - 2024” hesabatında Azərbaycan üzrə göstəricilər müzakirə olunub

Ombudsman: İqlim dəyişikliyi ilə mübarizə yalnız siyasi iradəyə bağlı deyil

Agentlik sədri: Gürcüstan TV-lərində “Basqalı” rəqsinin “erməni şalaxosu” kimi təqdim edilməsi ilə bağlı etiraza cavab gözləyirik