Kanadanın Toronto Universitetinin alimləri dərmana davamlı bakteriyalara hücum edən antibiotiklərin yeni formasını icad ediblər.

"Report" xəbər verir ki, tədqiqat "Journal of Medicinal Chemistry" (JMC) elmi nəşrində dərc olunub.

Hazırlanmış dərmanlar təbii fermentə - kazeinolitik proteazanın (ClpP) proteolitik alt bölməsinə təsir göstərir. Köhnə və ya qüsurlu zülalları təkrar emal edir, bakteriyanın normal fəaliyyətini təmin edir.

Yeni birləşmə ClpP-nin hər hansı mövcud zülalları nəzarətsiz şəkildə udmasına səbəb olur və bakteriya hüceyrəsini məhv edir.

Alimlərin sözlərinə görə, onlar xərçəng şişlərini tədqiq edərkən ClpP-ni aşkarlayıblar, sonra isə mikroblarda eyni fermenti tapıblar.

Komanda insan və bakterial ClpP arasındakı struktur fərqləri tapmaq, dərmanları xəstənin orqanizmi üçün təhlükəsiz etmək üçün hərtərəfli təhlil aparıb.

Tədqiqatçıların fikrincə, onların antibiotiklərə təklif etdiyi yanaşma meningit və gonoreya kimi bakterial infeksiyaların müalicəsi üçün böyük potensiala malikdir.

Oxşar xəbərlər

Alimlər bal arısı zəhərinin xərçəng hüceyrələrini məhv etdiyi müəyyən ediblər

Uşaqlarda beyin xərçəngi xəstəliyi ilə mübarizə üçün yeni üsul aşkarlanıb

Alimlər: Ev itləri və pişikləri sahiblərini təhlükəli bakteriyalara yoluxdura bilər

Çində növbəti öldürücü virus: Gənə ilə ötürülərək beyinə təsir edir

Alimlər pəhrizlə bağlı məşhur mifi təkzib ediblər