2024-cü ilin “Yaşıl dünya naminə həmrəylik” ili elan olunması haqqında Azərbaycan Respublikası Prezidentinin Sərəncamının icrası ilə əlaqədar cari ilin oktyabr ayı ərzində “Məktəblərdə ekologiya ayı” layihəsinə start verilir.

Bu barədə APA-ya Elm və Təhsil Nazirliyindən məlumat verilib.

Bildirilib ki, layihənin məqsədi ətraf mühitin sağlamlaşdırılması, yaşıllıqların bərpası və artırılması, su ehtiyatları və dayanıqlı enerji mənbələrindən səmərəli istifadə edilməsi, yaşıl enerji növlərinin yaradılması istiqamətində uşaq və gənclərin maarifləndirilməsi, eləcə də gənc istedadları üzə çıxarmaqdan ibarətdir:

"Layihə çərçivəsində ümumi təhsil müəssisələrində "dəyirmi masa"lar, debatlar, məqalə və kitablarla tanışlıq işinin təşkili, ədəbi-bədii kompozisiyalar, sinif təşkilat saatları, seminar və müsabiqələrin keçirilməsi, məktəblərdə ekoloji guşələrin yaradılması, bədii və sənədli filmlərin nümayişi nəzərdə tutulub".

Qeyd edilib ki, noyabr ayında layihənin yekun tədbirinin keçirilməsi planlaşdırılır.

Oxşar xəbərlər

"Yaşıl dünya naminə həmrəylik ili" ilə bağlı efirdə yayımlanmış məlumatların həcmi açıqlanıb

Bu gün Azərbaycanda ilk dərs günüdür

“Təhsildə könüllü fəaliyyətin təşkili” qrant müsabiqəsinə start verilir

Böyük Britaniya ilə COP-la bağlı əməkdaşlıq məsələləri müzakirə edilib

Bakıda 12-ci Beynəlxalq “Caspian Energy Forum”u keçirilir - FOTO