Bu gün Şirvan-Salyan Regional Təhsil İdarəsinin tabeliyində fəaliyyət göstərən ümumi təhsil müəssisələrinin vakant olan tədris (təlim-tərbiyə) işi üzrə direktor müavini, məktəbdənkənar və sinifdənxaric tərbiyə işi üzrə təşkilatçı vəzifələrinə işə qəbul üzrə müsabiqənin test imtahanı mərhələsi keçirilib.

“Report”un Aran bürosunun məlumatına görə, imtahan kompüter vasitəsilə 90 dəqiqə müddətində aparılıb və namizədlərə biliklərini nümayiş etdirmələri üçün zəruri şərait yaradılıb.

İmtahanın nəticələri hər bir namizədə sualları cavablandırdıqdan dərhal sonra elan olunub.

Qeyd edək ki, test imtahanına 54 namizəd dəvət olunub. Onlardan 21 nəfər uğur qazanaraq müsabiqənin növbəti mərhələsinə buraxılıb.

Oxşar xəbərlər

Müəllimlərin işə qəbulu üzrə müsabiqənin test imtahanı mərhələsi başa çatıb

Dövlət qulluğuna qəbul imtahanında 22 nəfər uğur qazanıb

Lənkəran-Astara Regional Təhsil İdarəsi üzrə məktəb direktorlarının yerdəyişməsi müsabiqəsi başlayıb